أوكا بوست | حصريا، إبتعد عن قنوات الصرف الصحي، وتابع 10 من أروع وأفضل قنوات على يوتيوب على الإطلاق والإستفادة على حسابي (منشور مهم جدا)

السلام عليكم

تشاهد التلفاز وتتابع قنوات عربية واجنيبة لا تستفيد منها شيئا على الإطلاق، على العكس من ذلك تزيدك غباءا، وتشاهد كذلك اليوتيوب خصوصا فيديوهات غير مفيدة كالفضائح والجرائم والأخبار غير مفيدة على الإطلاق، اليوم تتابعون أبرز قنوات مفيدة اليوتيوب على الإطلاق، قنوات يمكنك أن تستفيد منها في سنة واحدة ما ستستفيده من قنوات الصرف الصحي طوال عشرات الأعوام (ليست مبالغة)، ان شاء الله بمتابعتك لها ستصبح واعيا بمحيطك والعالم الذي تعيش فيه وتصبح مثقفا في العديد من مجالات الحياة.

1. Vsauce

هاد القناة تعتبر من اهرامات اليوتوب 10 ملايين ديال المشاهدات فيها فيديوهات على الرياضيات المرحة و علاقتها بحيل الواقع، واكيد كتعطيك اجوبة مقنعة حول أكثر الاسئلة غرابة بحال : ماذا سيحل بالارض لو اختفت الشمس؟ كيف سيصبح الحال لو توقفت الارض عن الدوران؟ ماذا سيحل بالكون لو قررت الالكترونات التوقف عن الرقص و الدوران و قررت الجلوس و الارتياح قليلا؟ اسئلة مرحة وفنفس الوقت مفيدة.

2 Veritasium.

هاد القناة فيها اكثر من 200 فيديو تعليمي كتنشر اسبوعيا فيديوهات متنوعة فالفيزياء العلوم والنظريات البارزة فالتاريخ البشري.

3. CGP Grey

قناة اخرى ، تتكلم عموما على الفضاء و العلوم بشتى انواعها،لي كيميز هاد القناة كونها كتقدم محتوى خصب بتقنية الـAnimation، و العرض الشيق .. تتطرق في بعض فيديوهاتها لمسائل حول علم الفلك و السفر عبر الزمن و غيرها.

4. Fit Men Cook

اه هاد القناة هدية لصحاب "لصان" ههه ( ميسكيلاسيون) وهاد القناة مختصة فتقديم فيديوهات على طبخ طعام صحي خال من الذهون و المركبات الضارة وكتعطيك نصائح مهمة الى بغيت لزابدو وشي جسم مثالي...خليني مصحاب الشوفان و4 بيضات اخويا پيتشوب ...مهم على اين نرجعو لموضوع ديالنا.

5. minutephysics

هاد القناة كتميز على القنواة الآخرين فيها واحد طاقم ديال العمل تقني ومختص فعالم الفيزياء الكونية وكيشارك فيها العالم لي ديجا كان داير واحد البرنامج NAT GEO وكتميز كدالك بطريقة شرح زوينة ومبسطة لدرجة انه حتى طفل ديال 10 سنوات بامكانو يفهم وهادي نصيحة للاباء لي معانا حاولو تبليو وليداتكم بهاد القنوات.

6. SmarterEveryDay

الى كنت كتعاني من من ضعفك و عدم قدرتك على استيعاب الاشياء، و تعامل معاها بطرق ابتكارية وأكثر ذكاء، فهاذ القناة ترجعك اكثر ذكأاً و عبقرية، حيث ان مضمون القناة عموما غادي يزيد من مستويات ادراكاتك و بالتالي الرفع من معدل ذكائك.

7. RedFrost Motivation

ناس لي مهتمين بشوية ديال التنمية الذاتية مزيانالهم هاد القناة..وحتى فاش تحس براسك خاصك الحماس وشي دفعة معنوية قوية متسناش من كحل الراس يشجعك دخل لهاد القناة كتعطيك فيديوهات تحفيزية (Motivation)

8.Brian Tracy

هاد القناة فيها واحد السيد كيتكلم بواحد الطريقة هادئة وكيوصلك بيها ميساج وكيعطيك توجيهات ونصائح فهاد الحياة لي تقدر تختاصر بيها سنوات ديال العيش وفقط فدقائق ادن الى كنت من الناس المعكازين 5 دقايق عرض مناسب.

9. NASA

وختامها مسك هاد القناة ديال لانازا وكتخليك تشوف الفضاء الخارجي للارض وتعيش لحضة بلحظة معا رواد الفضاء...

اذن صديقي الملكي صديقتي الملكية متحاولش ضيع هاد الفرصة من بين يديك وحتى الى دابا معنكش الڭانة باش تستافد دير (Save) لهاد المقال من بعد تكون ناشط دخل تستافد شوية وغادي نختم كلامي انه هاد الناس او "الكفار" وصلو لشي حاجة من بعد عناء طويل وسنوات ديال تمارة وضريب الكرفي ادن ماشي نشدو غي غي قشور البنان ماكياج وديك بلابلا الخاوية...✋✋✋